Поради оправдани причини, оваа година на подиумот не се појави Стефан Хаџиантоновски, па на негово место присутните гости од Македонија и од странство ги поздрави г. Стојан Стојановски, член на советот на фестивалот. По уводниот збор на г. Стојановски, 26. по ред фестивал свечено го отвори градочалникот на град Битола, м-р Наташа Петровска.

Во конкуренција на фестивалот пристигнаа 53 документарни филма, а Интернационалното жири во состав  Љупчо Петровски – Р. Македонија, доц. д-р Антон Антонов  – Р. Бугарија,  Владимир Ангелковиќ  – Р. Србија,   проф. д-р Мишо Нетков – Р. Македонија и Деметрио Павлидес  – Грција, донесе одлука во официјална проекција да се прикажат 11 филма на 2.11.2018 година и на втората проекција следниот ден да се прикажат 6 филма.

Со едногласна одлука на жири-комисијата најпрестижната награда Гран При му припадна на авторот Љупчо Ристовски од Македонија за филмот “Кључарот Цако”.  Секако, да ги споменам и останатите наградени филмови:

НАГРАДЕНИ ФИЛМОВИ ВО ОФИЦИЈАЛНА ПРОЕКЦИЈА

ПРВА ПРОЕКЦИЈА – 02.11.2018 година

– “Мојот живот“  на авторот Игор Стојковски освои Златна медаља на UNICA,

– “Повик” на авторите Драго Латиновиќ и Илија Галоља од Р. Србија освои Златна Камера 300,

– “Камените кукли раскажуваат“ на авторот на филмот Анита Ѓорѓиеска од Македонија  се стекна со Плакета за репортажа,

– “Никогаш повеќе“, автор на филмот Ема Лазарова од Македонија, се стекна со Сребрена камера 300,

– “Москополе денес“, на автор Диме Талевски  од Македонија ја доби Плакетата за камера, што ја доделува Општината Битола.

– “Без смисла“ од авторот Ролф Мандолези од Италија се закити со Бронзена камера 300,

– “Чифте чамче“ од авторoт Христијан Кочовски од Македонија освои Специјална Плакета за негување на традицијата во филмот.

– “Држава Вевчани Карневал“ од авторот Томе Љушев од Македонија освои Плакета за монтажа,

– ”Жртви на технологијата“ на авторот Петар Узуновски од Македонија освои Плакета за Идеја,

ВТОРА ПРОЕКЦИЈА – 03.11.2018 година

– “Банатски блуз“ од авторот Радован Ѓериќ од Србија се стекна со Плакета за режија,

– ”Двојните цркви во кумановско” на Валентина Андреиќ од Македонија освои Специјална Плакета за истражувачка сторија

– ”Дарителот“ на авторите членови на Кино Клубот “МАДАРСКИ КОННИК“ од Бугарија се стекна со Специјална Плакета за негување на историски теми,

– “Шегаџии” на авторот В. Илиев од Бугарија, освои Специјална Плакета за тематски пристап,

– “Баба Петра“ на авторот Иван Белул од Македонија освои Специјална Плакета,

Посебна плакета му беше доделена и на кино-клубот Прилеп којшто имаше најмногу автори на фестивалот за оваа година 2018.

Општ е впечатокот дека фестивалот од година во година е во подем, доаѓаат филмови од цел свет. Секако ја искористив можноста да поразговарам со дел од учесниците, нивните впечатоци, но и со членови на стручното жири. Провејува извесно мислење дека некои филмови се во рамките на документарниот филм, но со подолга содржина.  

На крај да споменам дека Фестивалот “Камера 300 “ е поддржан од Агенцијата за филм на РМ  и од  канцеларијата на Градоначалникот на општина Битола. Фестивалот се одржува во склоп на празнувањето 4-ти Ноември, денот на ослободувањето на Битола.