Google е најупотребуван пребарувач во светот. Тоа е збор што најчесто се изговара во конверзацијата меѓу оние кои користат Интернет и најчесто се типка на тастатурите на персоналните компјутери. Веројатно многумина од вас сте се запрашале што значи тој збор и зошто и како Лари Пејџ и Сергеј Брајан го ставиле тоа име за назив на својот светски познат бренд. Што значи Google се прашував и јас и еве што дознав:

Зборот го измислил деветгодишниот Милтон Сирота, на молба од неговиот чичко, американскиот математичар Едваед Каснер за книгата “Mathematics and the Imagination” од Каснер и Џемс Нојман. Тој побарал од својот внук да измисли име за бројот 10 на стота. Милтон Сирота за бројот 10¹⁰⁰ го предложил називот googol. Така googol станува математички термин кој се однесува на 1 (единица) зад која следат 100 нули. По ова следел и предлогот за  googolplex – број напишан како единица по којашто следат нули сè дури не ве заболи раката од пишување :) , а Каснер ова математички го изразил како 10^googol

Подоцна основачите на Google, Лари Пејџ и Сергеј Брајан, со погрешно спелување на зборот googol дошле до друга варијанта на зборот и тој збор го зеле за име на својот моќен пребарувач. И поимот googolplex не останал неискористен. Така се вика нивната фирма со седиште во Калифорнија.