Gabe Zichermann (San Francisco) e таткото на гемификацијата и ќе ја одржи првата обука во Македонија на 4-ти мај во City Hall Скопје на тема "The power of Gamification, Engaging Design for Startups & Marketers: Lessons Learned and Ideas to Share"
Без разлика дали сте маркетери, студенти, професори, претприемачи или програмери, научете како да интегрирате гемификација во секојдневните маркетинг активности за да постигнете најдобри резултати. Вашето место резервирајте го преку Brainster или Grouper.
Новиот тренд "Гемификација" предизвика комплетна трансформација во маркетинг процесите и бизнис моделите со креирање на нови начини за продлабочување на врската помеѓу потрошувачите, компаниите и вработените. Оваа обука е фокусирана на клучните алатки за како да создадете engaging искуства за вашите потрошувачи со употреба на гемификација и нови технологии. Говорите, работилниците, книгите и курсевите на Zichermann инспирираат цела генерација на маркетери, екперти за лојалност, HR професионалци, дизајнери на стратегии и производители да го направат светот позабавно и поинтересено место.
Ќе научите:
– Што е гемификација и како практично се применува во секојдневните маркетинг и бизнис процеси,
– Како брзо и економично да дизајнирате engagement со вашите потрошувачи и вработени,
– Како да ги гемифицирате рутинските процеси,
– Кои се најдобрите практики од применета гемификација на водечките светски компании,
– Како да примените гемификација за решавање на проблеми,
– Како Grouper успешно применува гејмификација за придобивање на нови корисници, зголемување на продажба и промена на однесување
На крајот од сесијата ќе биде презентиран case-study од успешно аплицирана гемификација од страна на Д-р Нина Ангеловска, CEO & Co-founder на Grouper.mk.
Gabe Zichermann е најпознатиот светски експерт и говорник на тема гемификација, ангажирање на корисници (user engagement) и бихејвиористички дизајн. Неговата долгоочекувана и најбарана книга - Gamification by Design 2 (2015) - го дополнува комплетниот водич за користење на механики на игра во не-игрив контекст. Zichermann автор на книгите The Gamification Revolution (McGraw Hill, 2013), Gamification by Design (2011), Game-Based Marketing (2010) и е основач и уредник на првиот портал за индустријата на гемификација Gamification.co. Дополнително, Gabe учествувал во дизајнирањето на платформата livecube.co (live-event gamification platform) и е ко-основач на консултантската компанија за стратегија/дизајн Dopamine (dopa.mn) каде работи со водечки светски брендови за креирање на engagement со корисниците и вработените.
Настанот е организиран од Grouper.mk и Brainster, во соработка со Швајцарската програма за претприемништво (#SwissEP), поддржана од Владата на Швајцарија и имплементирана од Swisscontact. Средствата од организирањето на овој настан ќе бидат наменети за развој на Start-up заедницата во Македонија.
https://www.facebook.com/events/1926888774207035/permalink/1932007020361877/
