Рубрика: Екологија
Колку време е потребно за да се разгради...
Автор: Ирена Кацеска
Објавено на 21.05.2013 - 16:06

Дали сте се запрашале колку време е потребно за да се разградат одредени работи од вашата секојдневна канта за отпад? Некои од податоците се изненадувачки, а се однесуваат на разградување во природата. На депонија, тој процес трае многу подолго, бидејќи сè е покриено и не е изложено на воздух:
-хартиените марамчиња се разградуваат од 2 до 4 недели;
-на весникот му е потребно месец и половина за да се разгради;
-лушпата од јаболко ќе биде разградена за два месеца;
-лушпа од портокал се разградува 6 месеци;
-исто толку трае и разградувањето на чкорчињата;
-на иверицата и се потребни една до три години за да се разгради;
-мастика за џвакање ќе биде разградена за период до 5 години;
-волнена чорапа се разградува 1-5 години;
-тетрапак-пакување ќе биде разградено за пет години;
-догорче од цигара во природата се разградува за 10 до 12 години;
-на кожените чевли им се потребни од 25 до 40 години;
-лименките се разградуваат дури еден век, а исто толку им е потребно и на пластичните запалки;
-процесот на разградување на пластични садови трае од 50 до 80 години;
-пластичните шишиња што ги гледаме секојдневно насекаде се разградуваат 500 години;
-исто толку им е потребно и на стаклените шишиња;
-процесот на разградување на пелени изнесува 450 години;
-кредитните картички се разградуваат дури 1000 години;
-на стаклото му е потребно 4000 години;
-супстанција која никогаш не се разградува е стиропорот.