Почитувани,
Ќе бидам краток: Дали е можно да се користи Visual C++ програмот за програмирање на микроконтролери?
Ваш редовен читател ,
Драган Симовски од Тетово

Одговорот, на кратко, е
НЕ МОЖЕ.
Образложение:
Секој програмски јазик може да се користи како алатка за добивање на програма за работа на микроконтролерот. Но... Мора да постои и соодветен компајлер (преведувач) со кој таа програма ќе се преведе на машински јазик разбирлив за микроконтролерот. Компајлерот е специјално дизајниран за соодветен микроконтролер. Така постојат посебни компајлери за PIC-микроконтролери, посебни за ATMEL итн., итн. Еве пример. Развојната алатка MPLAB за PIC-микроконтролерите има вградена поддршка за програмски јазик C и Basic. За да се произведе соодветниот машински код, потребно е соодветниот компајлер (на пример, HI-TECH C, PicBasic PRO) да се поврзе со MPLAB (преку опцијата "install language tool" од менито на MPLAB. За секој од овие компајлери точно се знае кои микроконтролери ги поддржуваат.
Се надевам дека се разбираме.
Златко Николовски