Здраво ЕМИТЕР.
Го имам направено универзалниот далечински управувач од ЕМИТЕР бр. 2/07. Кога ќе го префрлам во мод за програмирање, иц-приемникот не ги чита командите и лед диодата не сака да светне.
Наместо TSOP 1836 јас го најдов TSOP 1736 и тој го ставив. Дали може колото да работи со TSOP 1736 или да побарам TSOP1836 и да го залемам тој ИЦ-приемник?
Поздрав, Мартин Гелев.

Согласно со каталошките податоци, споменатите компоненти се компатибилни, но имаат различен распоред на изводите. Гледано од напред, кај TSOP1736 од лево кон десно изводите се GND, Us и OUT, додека, пак, кај TSOP1836 изводите се OUT, GND, Us. Согласно со ова поставете ги правилно изводите на плочката и нема да имате проблеми.
Добра работа,
Добре Блажевски