Го изработив електронското палење од ЕМИТЕР 10/07, со намера го вградам во пеглица 126p. Но кај 126p нема класичен разводник туку има само платина и од неа оди жица до бобината, а пак бобината има 2 излези! Дали е во тоа проблемот што бобината е со 2 излези?
Однапред благодарам,
Никола Николовски

Ова електронско палење досега не сум имал можност да го вградам во FIAT-126P (пегличка), и затоа не сум имал можност да се запознаам со начинот како е изведено нејзиното палење. Електронското палење кое го понудив во проектов, исклучиво е наменето за OTO-мотори со 4 цилиндри и со класично-конвенционално палење, како што е опишано во проектот. Тоа доаѓа од фактот што времето t2 на моностабилот е ограничено на t2=1,5ms. Ова време е точно пресметано за работа на ОТО-мотор со 4 цилиндри, а за други ОТО-мотори со повеќе или со помалку цилиндри ќе има друга вредност. Од тука произлегува дека треба да се направат некои измени во вредностите на компонентите C3 и R6.
За да не ви бидат вложувањата за ова палење фрлени во вода, со дополнителни вложувања од околу 50 денари и со искористување на некои компоненти од изработеното палење, обидете се да го изработите електронското палење прикажано на слика 1.
Славко Стојковски