Здраво,
Имам едно прашање кое се однесува за "Дополнувачот за акумулатори" од ЕМИТЕР 11/07.
Дали на местото од трансформаторот од 6VA со напон на секундарот од 12V, може да се стави трансформатор од 10VA со напон на секундарот од 24 волти, па да се намали напонот и да се користи за дополнување на акумулатор од 75Ah?
Горан Велковски

Одговорот е потврден. Ова значи дека и со трансформатор од 24V колото ќе може да работи без никакви измени, само што ќе треба да ја нагодите струјата на 75mA со оглед на тоа што имате акумулатор од 75Ah. Поради повисокиот влезен напон, сепак во овој случај би препорачал регулатор 7805 да го замените со 7812, а тримерот наместо 220Ω да биде со вредност од 470Ω.
Дејан Трпески