Би сакал да ве прашам едно деликатно прашање на кое мислам дека вие можете да ми дадете одговор. Како може од PC да се префрлат поголем број податоци, околу 35 GB, на лаптоп?
Однапред благодарам,
Ненад Јакимовски

Начин број 1 (најпаметно!) - поврзете ги PC-то и лаптопот во мрежа.
Начин број 2 (ако имате искуство со "чачкање" хардвер) - извадете го хардот од лаптопот и поврзете го со компјутерот преку соодветен 5.25/3.5 адаптер (види Емитер 7-8/07), или ставете го во екстерно куќиште, па тоа куќиште поврзете го со компјутерот преку USB/FireWire. Истата операција важи и за вадење на хардот од компјутерот и негово поврзување на лаптопот.
Начин број 3 (тотално непрактичен, бавен и пипав) - преку USB стикче. Што поголемо стикче, помалку зезанции.
Поздрав,
Зоран Ивановски