Целта на макетарството како хоби е создавање сразмерно намалени или зголемени објекти во што е можно пореална односно подетална состојба во однос на оригиналните објекти. За да биде што е можно поостварлив тој стремеж, потребна е исклучителна прецизност во изработката на соодветните детали. При тоа мора да се земе предвид дека највештиот и најискусниот макетар не би бил во состојба сè да изработи сам, па затоа ентузијастите од оваа облат ја искористија технологијата која главно се користи при изработката на електронски печатени кола односно плочките на кои се лемат електронските делови. Користејќи за оваа технологија, компаниите кои се занимаваат со производство на макети започнаа да изработуваат т.н. дополнитени делови или "accessories", во чиј опфат влегуваат и "photo-etched detail parts" или делови изработени со фото-гравирачка постапка.