Идејата за изградба на мрежен волтметар од ваков вид ми се наметна од потребата за контрола на мрежниот напон, кој често варира особено во зимскиот период. Употребата на инструменти со скала од 0 до 250V не задоволуваат со својата точност заради неискористеноста на скалата во дијапазонот 0-210V. Околу 80% од мерниот дијапазон или околу 90° од расположивите 110° на мерната скала остануват скоро секогаш неискористени. Затоа се одлучив за изградба на мрежен волтметар каде мерењето ќе се врши во дијапазонот каде најчесто се случуваат варијациите на напонот на мрежата т.е. во опсегот од 200 до 240V.