Кога станува збор за производите на корејскиот производител LG, сигурно помислувате на нивните оптички уреди, преносни компјутери, па во последно време дури и мобилни телефони. Но, она по што оваа компанија е најпозната, секако, се нејзините монитори, уреди кои истата ги произведува години наназад. Без разлика дали се тоа CRT или LCD-монитори, производите на LG се многу популарни на сите светски пазари, најмногу поради тоа што нудат одличен сооднос цена-перформанси. Откако корејската компанија во гаранцијата за квалитетот на своите производи ја вклучи и Zero death pixel warranty, нивниот рејтинг порасна уште повеќе. Уред кој подлежи на оваа гаранција е и оној што ќе го разгледуваме во оваа статија, LG L1740P, кој покрај одличната матрица претставува и премиера на новиот дизајн на LCD мониторите на LG.