За биомасата може да се каже дека е најстара форма на обновлива енергија, бидејќи човекот ја користи преку дрвото уште од самото откривање на огнот. Во биомаса може да се вбројат сите органски отпадоци што ги произведува цивилизацијата од индустријата, земјоделието и секојдневниот живот. Биогасот, кој се состои од 60% метан и 40% јаглерод диоксид, се добива преку посебен процес за преработка на органските отпадоци наречен анаеробно разградување. Неговата примена е главно за добивање на електрична енергија, но може да се користи и за други намени: во гасни бојлери, шпорети, за греење на простории, движење на возила итн...