Станува збор за уред кој на матрица од светлечки диоди испишува текст со претходно програмирана содржина. Покрај едноставното испишување на текст, програмата вградена во микроконтролерот има можност да изведе и некои ефекти како: движење на прикажаниот текст нагоре, надолу и во лево, инверзија на прикажаната содржина на матрицата и некои други ефекти. И во оваа апликација повторно е употребен веќе познатиот PIC16F877 кој ги изведува операциите за испис на содржината на сликата на матрицата од светлечки диоди, обработка на сите ефекти, складирање на текстот кој треба да се прикаже, складирање на изгледот на сите знаци кои се прикажуваат, прифаќање на кодовите од тастатурата и едитирање и дополнување на текстот внесен во него.