Сé почесто електронските уреди што ги користиме во секојдневната употреба работат безжично, т.е. користат некоја одредена фреквенција за да примаат и/или да испраќаат сигнали. Како се уредува одредени уреди да не си пречат меѓусебно, кога работат на одредени фреквенции? Паметните луѓе (читај инженерите) уште поодамна го сфатиле проблемот што може да настане ако правилно не се договори кој фреквенциски опсег за кој тип на уреди и за кои потреби ќе се користи. Од тие причини се започнало со изготвување на меѓународно координирани планови за намена на фреквенциските опсези.