Во време кога силно го чувствуваме импактот на интернет-револуцијата во сите сегменти на нашето живеење, еминентни стручњаци што ја анализираат оваа проблематика велат дека ниту информацијата сама по себе, ниту пак вештачката интелигенција и компјутерите не се тие што го "потхрануваат" овој импакт. Она што навистина го амплифицира влијанието на оваа револуција е нешто што никој не го предвиде пред 10 или 15 години - Е-комерцијата, односно експлозивната појава на интернет-мрежата како голем, ако не и најголем дистрибутивен канал на добра, услуги и професии. Ова длабоко го менува пазарот и начинот на деловното работење. Со помош на новите технологии, поединецот-трговец може да биде подеднакво конкурентен на глобалниот пазар, како и големите "играчи". Новите електронски пазари бараат и нови маркетинг-пристапи. Гоогле нуди две програми чија цел е оптимизација на деловното работење во модерни услови и максимизација на профитот на деловните субјекти: Google AdWords и Google AdSense.