Целта на печатачите за домашна употреба, или пак за употреба во малите или средните фирми, е печатење на разни документи или слики кои немаат идентична содржина. При ова се бара таков тип на печатач, кој ќе има релативно голема брзина на печатење, задоволителен квалитет на печатените документи и, се разбира, сето тоа да биде финансиски исплатливо, односно да се постигне што е можно помала цена по печатена страница. Од тој аспект, црно-белите ласерски печатачи се идеален избор, бидејќи ги исполнуваат сите овие услови. Слободно може да се каже дека овој тип на печатачи го држи најголемиот дел од пазарот во однос на сите други преостанати видови печатачи. Сепак, вистинскиот избор и не е така лесна работа!