Како причинители биле посочени одредени неутрофили, имуни клетки, кои при влезот во белите дробови на глувците испуштале делови од нивната ДНК за да предизвикаат воспаление.

Коралин Радермекер и коавторите на студијата од Универзитетот во Лиеж, кај животните ги тестирале трите веќе познати опасности од животното опкружување – прекумерната хигиена, загадувањето на воздухот и присуството на вирусна инфекција.

Кога подоцна овие и другите глувци биле изложени на грини кои се присутни во домаќинствата, а се еден од главните алергени за луѓето, било забележано дека само оние примероци што биле изложени на алергенски тригери во нивното опкружување развиле алергиска астма.

На фотографијата се гледаат имуните клетки што предизвикуваат воспаление по изложување на организмот на тригерите за алергиската астма.

Кога истражувачите ги спречиле овие имуни клетки да навлезат во белите дробови и да ја ослободат нивната ДНК, глувците биле заштитени.

Улогата на овие имуни клетки во механизмот на алергиската реакција во голема мера е непозната, но истражувачите се надеваат дека нивните откритија ќе помогнат во откривање на нови техники за превенција и за третман на состојбата.

Трудот е објавен во списанието Nature Immunology.