Витамините се есенцијални хранливи материи од суштинско значење за нормалното функционирање на целиот човечки организам. Секој од нив има своја одредена функција, а недостатокот од витамините може да има негативно влијание врз секој, па дури и на најмалиот орган во нашето тело. Тие се незаменливи борци што го чуваат и зајакнуваат имунолошкиот систем. Според некои научни докази, редовното внесување витамини е одличен начин да се спречат одредени болести, меѓу другото и оние потешките, како што се болести на срцето и рак. Но, постои разлика меѓу природните и синтетичките витамини, по кои посегнуваме, особено во зима, кога нема доволно разновидно овошје и зеленчук, или пак затоа што така ни е полесно!