Британските научници неодамна почнаа да пишуваат за симбиоза на растенија и посебни мицелии, вид печурки таканаречени микоризни печурки, кои создаваат многу сложена комуникациска подземна мрежа составена од фини тенки влакна. Оваа мрежа се протега од растение до растение и ги поврзува на големи растојанија кои можат да бидат дури и до неколку километри! Според нив, овој "растителен интернет" не само што го зголемува внесот на хранливи состојки во растението за 100 до 1000 пати, туку им носи на растенијата разни информации за да ги предупреди на опасност од патогени микроорганизми, растителни штетници и паразити. Така, растенијата можат навреме да ги вклучат своите одбранбени механизми и да се заштитат од напаѓачот. Целиот овој растителен систем, многу сличен на растителен подземен интернет, е наречен микориза.