Со демагнетизирањето треба да се подобри квалитетот на повторниот запис на магнетниот медиум. Тоа всушност претставува негово "рециклирање". Со тоа се одржува висок квалитет на записот со подобрена економичност. Постојат повеќе уреди за демагнетизирање во поглед на нивниот капацитет. Покрај наједноставните демагнетизери во кои операцијата се извршува рачно, постојат и демагнетизери со подвижен систем со лента кај кои значително е зголемен капацитетот на избришаните елементи на медиумот. Исто така, некои демагнетизери се исклучуваат по извесно време поради ладење, додека некои можат да работат без прекин. Покрај ова, не треба да се заборави на проценката за можната промена на форматите во иднина.