Во почетокот претставниците на оваа класа беа малубројни и недоволни за да се изборат за своите права формирајќи своја лига, па така немаа точно дефинирана припадност кон некоја класа и затоа најчесто беа нарекувани како "шминкерски џипови". Класичните и етаблирани теренци отпрво со потсмев гледаа на нивната појава, но кога видоа дека ѝм се мешаат во сметките, дозволија да се формира лигата со име SUV (Sport Utility Vehicle), односно класата на урбани теренски возила на која ѝ припаѓа Honda CR-V - најпродаваното теренско возило со бензински мотор во Европа во последните три години.