Голем број пишувани документи сведочат за богатството на различните културно-историски споменици во Скопје и неговата околина, настанати во различни периоди од минатото. Но, со својата убавина и колорит посебна атракција претставува старата Скопска чаршија сместена на левиот брег на реката Вардар. Големиот број објекти сместени на овој простор предизвикуваат восхит кај многубројните туристи, но и можност истите да послужат во реализацијата на наставното градиво и слободните ученички активности. И текстот што следи, всушност е плод на еден училишен проект кој беше реализиран во претходната учебна година со учениците од ДЕТУ "Михајло Пупин" – Скопје