Во овој број на ЕМИТЕР за најдобар математичар на месецот повторно го прогласуваме Димитриј Мијоски од Прилеп, којшто точно ги имаше решено сите задачи од претходниот број и го наградуваме со укоричен комплет на претходни изданија на ЕМИТЕР. Во следниот број на ЕМИТЕР продолжуваме со малку изменета содржина на оваа наша рубрика. Имено, таа нема да биде од натпреварувачки карактер, туку нејзината цел ќе биде повеќе едукативна и забавна. Значи, повторно ќе имате можност да решавате задачи и тоа од повеќе различни области, да си ги проверите сопствените знаења од различни области на науката и техниката и да се забавувате.