Што имаме на ум? Да уживаме во музиката, односно нејзината репродукција или да уживаме во инструментите со кои таа се репродуцира. Знам, знам... Комбинацијата од овие две работи е она што многумина ја преферираат, да не речам тоа е она вистинското. Вие го знаете тоа, јас го знам и бидете сигурни најдобро го знаат производителите. Најлесно е да се наплати за нашите слабости, нели? Што станува кога и покрај желбата парите се проблем, што во наши услови сè почесто се случува. За многумина, па и за оние најопитните, ова е тешко решлив проблем. Денес, кога и наједноставна пристојна стерео комбинација, за сараунд и да не зборуваме, чини едно цело мало богатство ви претставуваме тест на три модели на супер-кутии во основната, таканаречена буџет класа како помош при комплетирање на вашиот нов систем.