Транскутана електрична нервна стимулација (тенс) е метода на лекување на симптомот на болката преку дразнење на сензитивните нервни завршетоци во кожата. Таа е една од најчесто применуваните форми на електроаналгезија (намалување на болка со некој вид на струја). Тенс-от претставува само симптоматска терапија и нема лековито дејство. За стимулација обично се применуваат бифазни симетрични или асиметрични импулси со правоаголен облик, со траење од 2 до 400 µs и фреквенција од 1 до 1000 Hz, најчесто до 200 Hz. Јачината на струјата обично е од 10 до 20 mA, најмногу до 120 mA.