Овозможувајќи безжична конекција помеѓу мобилните телефони, џебните компјутери и лап топ компјутерите, блутут технологијата бележи сè поголем успех во светот на глобалната комуникација. Досега се покажа дека секој апарат кој работи без кабел е многу попрактичен од другите. Така со оваа технологија се зголемува безбедноста при возењето, бидејќи и двете раце ви остануваат слободни и се овозможува разговор на мобилен телефон иако телефонот се наоѓа на растојание од околу 10 метри од вас. Во овој број ви препорачуваме неколку модели на блутут слушалки, па во зависност од мобилниот телефон што го поседувате, вие самите изберете.