Концептните возила како такви ја одредуваат иднината на автомобилската индустрија. Навистина, не е мал бројот на таквите кои никогаш не ја надминуваат првобитната фаза во која се претставени, но во себе речиси сигурно содржат нешто што подоцна ќе се искористи, било да се работи за некој дизајнерски зафат или некое друго техничко-технолошко решение на конструкторите. Исто така, не е мал бројот и на таквите концепти кои речиси непроменети или со сосема мали дотерувања за релативно кусо време преоѓаат во фазата која тие, односно нивните творци, толку многу ја посакуваат - сериско производство.