Просечниот корисник на Windows оперативните системи, во текот на неговото користење инсталира голем број на разновидни апликации. Многу од нив после кратко време се деинсталираат, а ова најчесто е случај со игрите. При деинсталација на апликациите препорачливо е да се користи специјалната алатка на Windows наречена Add/Remove Programs (Programs and Feataures кај Vista и Windows 7). Но, за жал, многу од деинсталираните програми и после оваа операција оставаат траги во регистрите на оперативниот систем, а некои дури и папки како и други датотетки кои се неупотребливи и само заземаат простор и го забавуваат правилното работење на оперативниот систем. Затоа препорачливо е да користите специјализирани апликации кои деинсталацијата на непотребните програми ќе ја направат целосно и ефикасно. Еден од нив е и Revo Uninstaller Pro.