Кога ќе видите авион од Првата светска војна, обоен во јака црвена боја веднаш помислувате дека тоа е Црвениот барон. Многумина го чуле тој поим но немаат јасна претстава кој се крие зад него и која е причината да прерасне во толку позната легенда. За оние кои сакаат да знаат повеќе и да го користат овој поим соодветно, ќе ја раскажеме приказната. Црвениот барон е синоним за пилотот со најмногу признати воздушни победи во Првата светска војна, фрајхерот Манфред фон Рихтхофен човекот кој прекарот го здобил поради препознатливиот целосно обоен во црвено фокеров трокрилец, од една, и неприкосновеното владеење со небото над фронтот, од друга страна.