Во последните неколку броеви на ЕМИТЕР некако ги запоставивме мобилните телефони и самата рубрика телекомуникации, па за овој број подготвивме еден подолг напис на таа тема, по теркот на двата текста што ги објавивме во ЕМИТЕР бр. 7/8 и 10 од 2004 година и кои наидоа на добар одѕив кај вас читателите. Станува збор за една споредба помеѓу оние модели на телефони кои можат да се најдат на нашиот пазар, а нивната цена се движи до 8000 денари. Оваа споредба може многу да ви користи доколку имате во план купување на мобилен телефон, а притоа финансиски сте ограничени. Одбраните модели, се разбира, не се единствените кои можат да се најдат на нашиот пазар, но тие според нашиот критериум се најдобриот избор во оваа категорија.