Можете ли да си замислите ситуација во која за првпат ќе се решите да ставите некое програмче за заштита на системот (после година и нешто), и после тоа се ќе ви тргне наопаку. Е мене ми се случи токму тоа. Како голем противник на актуелните комерцијални но и слободни програмчиња за заштита на персоналниот компјутер, не ни помислував да ставам такво нешто на мојот персоналец а камо ли и да додавам разни печови, надградби и слично. Мојот другар понекогаш ќе ме предизвикаше, со аргументи, дека е неопходно денес на секој персоналец да има барем по еден заштитен ѕид, антивирусна програма, програмче за заштита од адвери, банери, поп-уп (отскочни) прозорци и. . . . отиде половина работна меморија. Последниот аргумент, (сé уште не успеа да ме разубеди) , беше една информација објавена на www.DenverPost.com , каде што авторот Рос Вехнер (Ross Wehner) ја нарекува Операција "Honey Pot", а за што се работи ќе прочитате во продолжение.