Со помош на еден нов специфичен концепт, соларните сферно-огледални концентратори овозможуваат користење на сончевата енергија за директно разбивање на молекулите на водата преку термохемиска реакција, чии нето-продукти се водород, кислород и електрична енергија. Ефикасноста на целиот процес е 45%, при што 20% е во облик на хемиска енергија во водородот, а 25% електрична енергија. Соларните концентратори на овој начин речиси двојно ја зголемуваат ефикасноста на досегашните соларни системи со што значително се смалува цената на произведената енергија и се избегнуваат какви било емисии на штетни гасови. Еколошки произведениот водород може да биде од особено значење за комерцијалниот успех на горивните ќелии, чија примена во автомобилскиот сектор ќе значи почиста животна околина во густо населените урбани средини.