M1 Crab Nebula (каталошка ознака NGC1952, Taurus A), е остаток од супернова кој се наоѓа во созвездието Бик (Taurus). Тој објект претставува единствен остаток од супернова кој е внесен во каталогот на Месиеовите објекти, а воедно претставува и засебна категорија - остаток од супернова). Лоциран е на оддалеченост од 6300 светлосни години или 2 килопарсеци (кпц) од нас. При настанокот на суперновата сјаела силно и била видлива дури и преку ден. Небулата има дијаметар од 11 светлосни години (3,4 парсеци) и сеуште се шири со брзина од околу 1500 километри во секунда. Во срцето на Небулата има пулсар кој ротира 30 пати во секунда и емитира импулси од гама зраци и радио бранови. Таа е една од малку набљудуваните супернови во нашиот Млечен пат.