Уште еден уред на финскиот производител Нокиа кој припаѓа во највисоката класа на мобилни телефони и кој во голема мера служи за задржување, а ако не и за подобрување на репутацијата на компанијата. Главни карактеристики на уредот се одличната дигитална камера со 5 мегапиксели, вградена GPS-функционалност, како и поддршката за работа со поновите и побрзи мобилни мрежи. Сепак, она по што овој модел се разликува од другите е неговиот лизгачки дизајн, при што куќиштето може да се движи во две насоки, со што се менува функционалноста на телефонот.