Здравјето е наше најголемо богатство. Но, во современото општество како резултат на стресот и многубројните штетни влијанија од надворешната средина да се сочува здравјето стана вистинска уметност. Брзото темпо на живеење, неправилната и нередовна исхрана, пушењето и многубројните проблеми од секојдневието, нé прават слаби и неотпорни кон разни видови болести. Нашиот имунолошки систем е тој кој нè брани и заштитува од микроорганизмите (вируси, бактерии итн.) кои се предизвикувачи на разни заболувања, но доколку тој имунолошки систем ослабне, ослабува и нашата одбранбена моќ, па лесно стануваме жртви на разни инфекции.