Во индустријата за производство на електрични алати, чест случај е кога еден алат има повеќе намени. Секако, ваквите алати се секогаш брзо прифатени од професионалците кои знаат да ја ценат оваа карактеристика. За германската компанија Kress, може да се каже дека не само што ги следи ваквите трендови во електротехниката, туку и дека често на пазарот нуди иновативни производи, кои се уникатни по своите особини. Еден од тие алати е и кружната пила Kress DUO SAW, која освен тоа што се користи како пила за прецизно кроење на парчиња од материјали со мала дебелина, може да се користи и како моторна пила за сечење на дрвени парчиња со поголема дебелина, дури до 200 милиметри. Квалитетот на рабовите на парчињата, како и прецизните мерки добиени при сечењето со овој врвен алат, нормално, се на највисоко ниво.