Веројатно дека не е мал бројот на корисници кои имаат потреба да користат повеќе различни верзии на Microsoft Windowс оперативни системи, најмногу поради фактот дека некои (постари) програми едноставно "не сакаат" да работат на поновите верзии. Овој проблем некои го решаваат така што на компјутерот инсталираат повеќе верзии на оперативни системи, и потоа по потреба ја вклучуваат бараната верзија. При ова, потребно е често рестартирање на компјутерот, што практично одзема многу време. За сите вакви корисници, развојниот тим од Редмонд нуди едноставно решение преку користење на апликацијата наречена Microsoft Virtual PC 2007. Со оваа апликација можно е истовремено стартување на повеќе различни оперативни системи, се разбира, од Windows семејството, на еден компјутер.