Досега имам пишувано за повеќе модели на дупчалки од линијата на производи на компанијата Макита, па можеби ќе се запрашате што е тоа што оваа дупчалка ја одделува од другите во оваа категорија. Всушност, се работи за модел кој во многу нешта наликува на неговите претходници, но се разбира дека во него има вградено и нови карактеристики. Компактноста и малата тежина се првиот адут на овој алат, кој поткрепен со ергономскиот дизајн претставува вредност што многумина ќе ја ценат.