Чест избор на почетниците при из­ра­ботка на уреди за самоградба, како и на учениците на часовите по електроника, е изработката на аудиозасилувач. Често поставувано прашање е “Дали сѐ уште се исплати самоградба на аудиозасилувач?”

Со дигитализацијата на аудиоуредите се појавија голем број на производи со нис­ка цена и со задоволителен, па и одли­чен квалитет. Поправката на овие уреди стана неисплатлива – поевтино е да се фрли ста­рото и да се купи ново. Но, до­кол­ку се посе­дуваат соодветно знаење и веш­тини, само­градбата на аудио­заси­лувачи е исплатлива, а така добиените засилувачи не мора да се спо­редуваат со оние индустриски изработените.

Она што е добро при градбата на ау­диозасилувач и неможе да се замени е знаењето и сатисфакцијата што ги до­бива оној што го изработува за­силувачот, а особено ако тој засилувач добро свири.

Друго прашање што се поставува е “Дали може одреден предзасилувач од еден производител да се поврзе со из­лезен степен од некој друг пред­за­силувач?”

Во овој напис ќе ви претставиме еден таков потфат, нудејќи ви едно решение на еден стерео интегриран аудио­за­си­лувач кој во себе го вклучува пред­за­силувачот од засилувачот Rotel RA-931 и излезниот степен од засилувачот SK0340 на фирмата RIZ Загреб.