Долгото статично седење на обичен стол не е природно за човекот. Всушност е најлошиот начин на поминување на времето и, трагедијата да биде поголема, токму тоа го правиме најмногу.

Идејата ми се роди додека учев за фитнес инструктор и ја пишував книгата “Вајање на телото”, скрипта за здравје, вита става и убава телесна градба. Тогаш сфатив: час или два тренинг и вежбање во слободното време, не може во целост да го надомести осумчасовното седење на работа. Едно време го направив бирото така и стоев пред компјутерот, но дол­гото стое­ње в место исто така е неприродно за чо­век­от и има свои неповолности ако се практи­кува постојано. Така се изнедрија фитнес столо­вите. Тие овозможуваат со седење да си ја вршите работата, на биро и/или пред компјутер, а при­тоа да се здобивате со здравствени придо­бивки. Решен е проблемот како да бидеме функ­цио­нални на работа или на училиште без стра­дање од прекумерното седење.