Денес, кога несомнено се знае дека Земјата, како и сите други планети, има облик на топка, сплескана на половите поради ротацијата околу својата оска, сепак, некои луѓе (се проценува дека ги има околу 3% од Земјината популација), и покрај многубројните валидни докази, сè уште не можат, или не сакаат, тоа да го прифатат, и заговараат модел според кој Земјата е рамна плоча! Тие дури и формирале организација со назив “Меѓународно здружение рамна Земја” ("The international Flat Earth Society"), службено регистрирано во 1956 год. Во најново време тие ја интензивирале својата кампања во насока на фаворизирање на сопствениот модел “Земјата е рамна плоча” сметајќи го како точен, и оспорувајќи го како неточен актуелниот модел “Земјата е топка”. Но, дали е така? Во овој напис, ќе ги спротивставивме аргументите на двете опции, гледајќи ги од неколку аспекти: од аспект на законите на физиката, од аспект на компатибилноста со она што ние го перципираме во секојдневниот живот и од аспект на тоа како ги објаснуваат појавите и процесите што се случуваат на Земјата. Така ќе покажеме дека опцијата Земја-рамна плоча е обична илузија, тотално надвор од вистинската наука!