Од почетокот на овој милениум се зборува и се пишува за генерација на посебни деца, наречени “милениумски’’, или “индиго деца”. Од движењето Њу Ејџ веруваат дека овие деца се претставници на повисока духовна состојба на човечката еволуција, не само во поглед на нивната натпросечна интелигенција, туку во нивното севкупно влијание на околината за постигнување хармонија и духовна рамнотежа. Верувањата во врска со нивните особини и карактеристики се разликуваат – од тоа дека тие имаат паранормални способности (телепатија, предвидување на иднината, биоенергија... ), до оние дека овие деца од другите се разликуваат само во поголемата креативност и емпатија. Науката не гледа сериозно на ваквиот феномен и не поддржува ниту еден од овие ставови. На оваа тема дебатираат Љупчо Спасевски и Владимир Филевски.