Тајната на успешното градење замоци од песок е количината вода измешана со песокот. Доколку истураме сув песок врз сува почва, купот добива конусен облик бидејќи песочните зрна не се врзуваат меѓусебно. Од друга страна, не чини и да го навлажниме песокот премногу, бидејќи повторно не се добива добра кохезија. Фелипе Пачекоо-Васкес, Флоријан Моро и нивните колеги од Универзитетот во Лиеж се заинтересирале да откријат кои се оптималните услови за кохезија помеѓу зрната песок. Тие ги проучувале структурите што се формираат при истурање суви зрна песок врз повеќе или помалку влажен песок, и на овој начин ги идентификувале граничните услови за стабилност на овие песочни купови.