Измина цела година од немилите настани во Јапонија, а последиците од природната катастрофа сè уште ги чувствуваат не само јапонците туку и целиот свет: губењето на илјадници животи, излевањето на радиоактивни материјали од атомската централа Фукушима, смет кој сè уште плови по океаните по повлекувањето од копното на водата од цунамито. Дали можеше да се намали оваа катастрофа со побрз систем на тревога од цунами, сè уште е дискутабилно. Во меѓувреме се чини дека на повидок е нов систем за тревожење во случај на земјотрес. Првичните вести за ова беа објавени во списанието Природа (Nature) од каде ви пренесуваме дел од веста.