Националната асоцијација на радиодифузери (The National Association of Broadcasters - NAB) на 19 април ја заврши годинашната конвенција во Лас Вегас. На најголемиот светски саем на електронски медиуми учествувале 92 000 учесници и 1500 новинари од целиот свет во потрага по најнови информации за новите медиумски технологии и производи од над 1600 изложувачи од 151 земја. NAB е, и ќе биде најголемото случување во светот на аудио и видеотехнологијата кое со нетрпение го очекуваат сите кои имаат каква било допирна точка со оваа проблематика, а раскажувањата за тоа како беше, што беше, траат сè до наредната година. Оние, пак, што произведуваат опрема се трудат да ги задоволат барањата на корисниците со цени кои нема да се превисоки во овие кризни времиња во светот.