Чип картичките веќе и кај нас ги среќаваме насекаде и нивната содржина мошне е интересна за секој електроничар. Почетна точка во нашето истражување се телефонските картички. Некои од поискусните електроничари успејаа да ги претворат веќе употребените телефонски картички во идентификациони картички во системите со ограничен пристап. Другите, попознати како "хакери" се обидуваат да најдат слаби точки во системите за кои се тврдеше дека се тотално сигурни. Независно од побудите со кои сте го започнале истражувањето на внатрешноста на чип картичките тоа секако ќе ве донесе до комуникацијата со картичката. Комуникацијата од своја страна бара основни познавања на сигналите кои ги разменуваат чип картичката и читачот.