Барате материјали, стручни трудови и книги кои ќе ви помогнат во составувањето на вашиот семинарски или дипломски труд или, пак, податоци кои ќе ги поткрепат вашите напори за унапредување на вашиот бизнис. По долго интернет прабарување, нуркање низ библиотеките со стручна литература, го наоѓате токму она што ви требаше, но-проблем! Сите податоци се дадени во мерки кои не се метрички и поддржани во SI системот. Си велите нема проблем, ќе ги пресметам, конечно, за сè си има формула, но како ли беше? Со истиот проблем се судираат стотици илјади луѓе во светот, па токму заради тоа постојат и стотици компјутерски програми-претворувачи на едниници. Ние овде ви го претставуваме ESB UnitConv - токму вакво малецко програмче кое ќе ви помогне во пресметките.