Здраво,
Сакам да ве прашам дали можам на ТВ-приемник кој нема SCART приклучок, а нема ниту пин приклучок да приклучам ДВД или друг уред со SCART излез?
Александар, преку е-пошта

Единствен прифатлив начин е да набавите некој стар половен видеорикордер кој има скарт приклучок. ДВД-то со видеорикордерот ќе го поврзете со кабел "скарт-скарт", а приклучокот за антена на телевизорот со антенскиот излез од видеорикордерот.
Дејан Трпески

На старите модели НА ТВ приемници, кои немаат SCART или RCA (популарно наречени: пин) приклучоци, можете да приклучите DVD само преку соодветен адаптер наречен ТВ-модулатор. Овој уред го претвора аудио / видеосигналот од SCART, односно RCA приклучоците во РФ-модулиран сигнал кој можете да го доведете на антенскиот влез на ТВ-приемникот и потоа да го бирате како и секоја друга ТВ-станица.
Во Скопје, во малопродажба можат да се најдат вакви ТВ-модулатори по цена од околу 10 евра. Но, ТВ-модулатор има и секој видеорикордер кој воедно има SCART и/или RCA конектори. Па вашето DVD можете, исто така, да го приклучите на ТВ-приемникот преку видеорикордерот за што е пишувано на повеќе наврати во Емитер.
Емилијан Иљоски