Имам некои прашања за проектот Дигитален мерач на капацитивност од ЕМИТЕР 1/98:
1. Дали може сите CMOS елементи да ги заменам со HCMOS кои имаат многу повисока пропусна фреквенција. Дали можам да направам замена со елементите 74HC4093=CD4093, 74HC4511 = CD4511 и 74HC4518=CD4518. Дали тие се пин-компатибилни?
2. Каде точно треба да ја прекинам ППК за да го употребам кварцниот осцилатор и кои елементи од останатото коло треба да се исфрлат и дали IC10 и понатаму ќе биде потребен?
Пофални зборови до авторот и во иднина би сакал што е можно повеќе вакви проекти.
Ефтим Панов, Скопје

1. Предложените компоненти се пин-компатибилни, но во постоечката конфигурација нема да може да ги употребите овие компоненти. Ова доаѓа оттаму што напонот на кој работи уредот е 9V, што не е прифатливо за HCMOS колата. Се разбира дека напонот може едноставно да се намали на 5V со промена на напонскиот стабилизатор, но во тој случај ќе се промени работниот режим на IC12. Затоа што нема потреба од кола со повисока фреквенција од оние на CMOS колата, нема потреба од нивна промена.
2. IC10 мора да остане за да ги "направи" потребните импулси Latch и Reset за правилна работа на уредот. Истиот ефект како прекинување на ППК може да се направи со отстранување на преклопникот PREK1, кој сега ќе се употреби за работа на кварцниот осцилатор.
Благој Ќупев